好遺憾，經過連日嚟同市集同場地單位開會商議，我哋最後決定會將市集延期舉行。

要...

好遺憾，經過連日嚟同市集同場地單位開會商議，我哋最後決定會將市集延期舉行。

要做呢個決定真係超超超sad啊😭😭😭因為我哋真係用咗好多心機去預備😭😭😭同埋滿心期待咗好耐！雖然呢個星期以嚟好多人留言話叫think positive，甚至有人話落雨都照嚟支持，不過事關市集係有超過100個檔主，今日活動嘅位置亦係戶外位置，就算最後打唔成風，落雨嘅機會都非常大，而落雨會對咁多位檔主會造成極大不便，亦會嚴重影響參觀意欲，好多set up亦有機會被吹走，對小童／動物有一定嘅危險性，基於種種原因，迫於無奈先做出呢個決定😭😭😭

今次呢個市集我哋真係用咗萬二分努力去籌備😭😭半年前我哋已經係呢個idea，但嗰陣驚疫症，到後來確診數字回落我哋先夠膽搞。過去兩個月我差唔多日日廢寑忘餐去幫手搵sponsors、設計市集嘅宣傳品、禮物同decorations，單單係兩日市集派嘅禮物我哋預備咗3000份，仲搵咗好多熟手技工幫手pack……而單係我自己，就用咗幾萬蚊去制作新嘅產品，我諗好多檔主都一樣，畀咗好多心機……作為冇穩定收入、靠創作為生嘅我，都真係好大打擊，亦唔知點算……😭😭😭

至於延期日子方面，而家仲同場地單位商議緊。原來上一次11月打風已經係48年前，我哋都完全冇expect過11月會打風！所以其實場地單位個期都好full，一早就安排好其他活動！所以日期暫時都未confirm到！希望盡快定一個日子出嚟，再話畀大家知！

期待咗好耐嘅朋友，真係好抱歉！好對唔住！

#好想喊 #2020年悲劇女主角
#冇咩事我返入房靜一靜

---